Mipasabot si City Mayor Rolando Klarex Uy sa iyang rason kung nganong mipatuman sa kabag-uhan sa liderato sa City Local Environment and Natural Resource Office (CLENRO).
Niadto pa lang Lunes, Oktobre 13, mipasidaan na daan ang mayor nga adunay ipahigayon nga change of command sa mga departamento nga dili maayo ang performance.
Usa niini ang CLENRO, kundiin, iyang gitangtang si Engr Armen Cuenca sa pagka CLENRO Manager.
Maoy iyang gipahupot sa nabakanteng posisyon si CLENRO Assistant Manager Elvisa ‘Bing’ Mabilin aron mapadayon ang mga lakang sa pagsulbad sa waste management issues sa syudad.
Hisayran nga usa sa labing bug-at nga rason sa paglangkat kang Cuenca mao ang walay kahupayan sa suliran sa basura ug ang agianan sa mga trak sa basura sa sanitary landfill sa Brgy. Pagalungan, ilabi na kon mag-ulan.
