Giaprobahan sa Office of the President ang pagpagawas sa P41.48 milyon nga pondo alang sa Independent Commission for Infrastructure (ICI), nga kuhaon gikan sa 2025 contingent fund, segun sa rekomendasyon sa Department of Budget and Management (DBM).
Matod sa ICI, giuyonan sa DBM ang ilang staffing pattern nga naglakip sa paghimugso sa 172 ka contractual positions, nga gituohan nga makatabang sa pagpadali ug pagpa-epektibo sa ilang mga imbestigasyon batok sa mga anomalya sa mga proyekto sa imprastruktura.
Gibutyag ni Executive Director sa ICI nga si Atty. Brian Keith Hosaka m nga ang pondo kritikal sa operasyon sa komisyon ug maghatag og kapasidad aron mas lig-on ug mas paspas ang ilang mga aksyon sa pagsusi sa mga proyekto sa tibuok nasud.
