Bantay-sarado sa Department of Information and Communication (DICT) batok sa posibleng DDoS attack, ning adlawa Nobyembre 5, nga nagresulta sa paghinay sa nga websit ug apps, o dili ma-access tungod sa “traffic flood”.
Namahayag si DICT Secretary Henry Aguda nga mas maayo nga mag-amping inay magmahay.
Sumala sa ahensya ang posibleng Distributed Denial of Service (DDoS) attack maoy usa sa gitumbok nga hinungdan sa paghinay sa sistema sa gobyerno ug pinansyal nga plataporma.
Kini nga matang sa cyberattack naggamit sa daghang devices aron pun-on ang usa ka server o network, hinungdan nga kini mahimong dili magamit o molangan sa pag-load.
Si Aguda mipasabot nga ang maong hulga mahimong “global” ug ang mga sakop sa DICT nag-andam uban sa mga kauban nga ahensya aron malikayan ang kadaut.
Hinoon namugos ang DICT nga ang DDos dili kini data breach ug wala’y personal nga impormasyon, account, o kwarta nga makawat.
Gidasig sa ahensya ang ñkatawhan nga magmatngon, gamiton ang opisyal nga apps o status pages, ug likayan ang ilegal nga online nga kalihokan.
