Gikoronahan isip Miss Earth 2025 si Natalie Puskinova sa Czech Republic atol sa hudyaka nga coronation night sa The Cove, Okada Manila, Parañaque City, Miyerkules, Nobyembre 5, kagabie.
Nakadawat ang langyaw nga kandidata sa kusog nga palakpak gikan sa mga nanan-aw human sa iyang maayong tubag sa final round, diin iyang gitapos sa pinulongang Filipino ang iyang mensahe nga “Protektahan natin ang kalikasan.”
Sa katapusang hugna, ang Top 4 kandidata gipangutana kabahin sa proposal ni Bill Gates nga ibalhin ang pondo gikan sa pakigbatok sa climate change aron suportahan ang pakig-away batok sa sakit ug kagutom.
Gitubag kini ni Puskinova sa usa ka balanse ug mapahiuyon nga paagi, nga nagpasabot sa panginahanglan sa panaghiusa ug pagtagad sa duha ka kritikal nga isyu.
Ang iyang tubag nakahatag sa inspirasyon ug nakadani sa mga hurado ug sa katawhan.
Lakip sa mananaug sila:
Miss Earth Air (1st runner-up): Soldis Vala Ivarsdottir sa Iceland
Miss Earth Water (2nd runner-up): Trinh My Anh sa Vietnam
Miss Earth Fire (3rd runner-up): Waree Ngamkham sa Thailand
Ang pambato sa Pilipinas nga si Joy Barcoma, mihuman sa iyang pagrampa sa Top 8.
