Nadawat na sa mga grand draw winners ang ilang premyo alang sa SWERTE SA PALENKE 2025 – Balde-baldeng pa-premyo na, may cash pa! Ang 3rd price winner nga si Merlyn Paclibar nga taga St John Puntod, mibulsa sa 5000 pesos cash, human niya nadag-ang 3rd prize pinaagi sa iyang proof of purchase nga efficascent oil. Si Paclibar miingon nga gamiton niya ang iyang nadag-an salapi sa pagpalit sa iyang tambal.
Sa pikas bahin, nagkisi-kisi sa kalipay ang 2nd prize winner nga si Rosario Quibod nga taga Zone-4 Pasil Brgy Kauswagan human niya madawat ang 10,000 pesos cash. SWERTE nga nadag-an sa ginang ang second prize gamit ang San Miguel Beer isip proof of purchase. Iyang gi-awhag iyang mga silingan ug mga paryente nga musalmot sa dugang mga promo sa BOMBO RADYO aron sama kaniya, makadawat usab sa linibong premyo.
Maoy pinaka-swerte sa tanan si Amelia Zmbas nga taga Gracia Tagoloan, Misamis Oriental, human iyang nadawat ang 15,000 pesos cash. Maoy nakapadaug sa ginang isip first prize winner ang proof of purchase nga Gardenia. Iyang ipalit sa bugas, sud-an at bayad sa mga panginahanglan sa balay ang iyang nadawatan nga premyo.
