CAGAYAN DE ORO CITY – Gisakmit sa Xavier University (Ateneo de Cagayan) College of Nursing ang ilang ”18thpeat ” sa bag-uhay lang nalugwa nga resulta sa Philippine Nursing Licensure Examination nga unang gihimo sa daghang bahin sa Pilipinas niadtong petsa 4 hangtod 5 sa Nobyembre ning tuiga.
Kini human ilugwa sa Professional Regulation Commission/PRC ang resulta sa PNLE diin anaa sa 40-mil 692 ang pasado gikan sa 45-mil 192 nga mikuha sa pasulit sa 20 ka testing centers.
Nagsilbing nag-una sa mga unibersidad nga nagbaton sa gatos porsiento nga passing mark ang XU-College of Nursing diin tanan sa ilang 244 ka takers ang pulos nagpasar.
Sa mga nagpasar sa XU-College of Nursing,nagsilbing top 6 si Janella May Abonitalla Alaba nga nakakuha’g 92.80%;top 8 si Karmela Denise Semilal Ganas sa iyang 92.40%;Michelle Haze Baduya Lastima,92.40%;top 9 si Johnry Gapol Camahalan,92.20 % ug top 10 si Sofia Cris Tundalas Vitor sa iyang 92% nakuhang grado.
Kasamtangang XU-College of Nursing Dean si Dra. Mary Grace Paayas,RN,MAN.
Samtang apil usab nakasulod sa ranked no. 1 ang Ateneo de Davao University nga dunay 142 ka pulos pasar nga nursing examinees.
Miarangkada usab sa unang puwesto ang mga tunghaan sa Bukidnon State University diin 129 ka passers tanan ug 108 passers gikan sa Central Mindanao University nga pulos nakabase sa Bukidnon sa Northern Mindanao.
Nagsolo usab sa pagsilbing ranked no.7 spot ang Capitol University nga kanhi Cagayan de Oro Capitol College sa ilang 197 passers gikan sa 198 takers.
Nagsilbing nangulo sa board of nursing si Elsie Tee inabagan nila ni Elizabeth Lagrito, Zenaida Gagbno, Marylou Ong, Merle Salvani,Leah Primitiva Paquiz ug Carmelita Divinagracia.
