Personal nga gipalanog ni Atty Harry Roque nga wala ang iyang ngalan sa listahan sa Red Alert notice sa International Criminal Police Organization (ICPO) o mas naila isip Interpol.
Kini maoy latest social media post sa inilang Human Rights Lawyer nga sa pagkakaron atua sa The Hague Netherlands.
Si Roque, unang gipanawagan sa Palasyo nga mupauli na sa Pilipinas aron atubangon ang kasong human trafficking nga gisang-at kaniya human kini nalambigit sa ilegal nga POGO hub nga nailang Lucky South 69.
