Mipabor si Atty. Alex Lacson, sa grupong Kontra Dinastiya Movement, sa bersyon sa anti-political dynasty bill nga gisumite nila Akbayan Congressman Chel Diokno, Congresswoman Leila de Lima, ug Senator Risa Hontiveros. Si Lacson, kinsa miyembro sa Kontra Dinastiya Movement, miingon nga mas klaro ug mas hugot ang maong bersyon kumpara sa ubang mga balaodnong gisumite usab sa Kamara nga adunay lain-laing mga probisyon.Sumala ni Lacson, duha ra ka miyembro sa usa ka pamilya ang angay makadagán, usa sa national level ug usa sa local level, ug dili dapat tugotan ang succession o replacement sa mga paryente sulod sa parehas nga political cycle.Gipunting usab sa grupo nga angay maaprobahan ang bersyon nga adunay fourth-degree level of prohibition, nga magdili sa pagdagan sa mga ig-agaw, ante, ug uban pang paryente, aron malikayan nga mahimong family business ang pagdumala sa gobyerno.Para kang Lacson, importante nga polido ug walay lusot nga balaodnon ang maipasa aron matinuod nga masugpo ang political dynasties sa nasud.
WRITTEN BY: JAMES OLIVER
