Giandam sa Quezon City Government ang pagbabalik sa Lechon Festival karong Mayo.
Gitigom ni Mayor Joy Belmonte ang mga lechonero sa La Loma aron hisgutan ang kalihokan ug masiguro nga limpyo ug luwas ang mga lechon nga ibaligya.
Gipaminaw usab sa alkalde ang mga kabalaka sa mga negosyante human gipasira ang pipila ka lechunan niadtong Nobyembre tungod sa African Swine Fever.
Naglaum si Belmonte nga pinaagi sa festival, mas makadani pa og mga turista ug mabuhi pag-usab ang negosyo sa mga maglilitson sa La Loma.
