Nakumpiskar sa mga kapulisan ang 1,091 ka reams sa Presidente Filter King cigarettes human masanta ang usa ka Isuzu Elf nga nagbiyahe paingon sa General Santos City atol sa checkpoint sa National Highway, Sitio Seguil, Barangay Tinoto, Maasim, Sarangani Province, alas 4:40 karong hapon.
Subay sa imbestigasyon, ang kantidad sa mga smuggled cigarettes mukabat og kapin ₱1 milyon.
Ang mga kontrabando gi-turn over dayon sa Bureau of Customs (BOC) alang sa dokumentasyon ug husto nga disposisyon.
Giingon sa kapulisan nga padayon ang ilang kampanya batok sa pagpang-smuggle sa rehiyon aron mapugngan ang pagbaligya sa mga iligal nga produkto nga makadaot sa ekonomiya ug kaluwasan sa publiko.
Hisayran nga ang operasyon nagpakita sa hugot nga koordinasyon tali sa kapulisan ug BOC aron masiguro nga ang mga lumulupyo protektado batok sa iligal nga kalihokan.
