Misang-at ang Chinese Embassy sa Manila sa diplomatic protest batok sa tigpamaba sa Philippine Coast Guard (PCG) sa West Philippine Sea Commodore Jay Tarriela tungod sa giingong pag-atake ug pagdaot sa dignidad sa mga lider sa China.
Namugos ang embahada nga gikonsiderar sa ilang mga lideres nga seryoso ang pahayag sa opisyal sa PCG ug tin-aw nga nakalapas sa politikal nga dignidad sa China ug usa ka dayag nga politikanhong paghagit, nga mitabok sa pula nga linya.
Sa usa ka pamahayag, gipa-ambit sa embahada ang ilang kasuko ug pagkondenar sa China ug giingong nagsang-at sa “solemn representations” o diplomatic protest ngadto sa Palasyo sa Malacañang, Department of Foreign Affairs ug Philippine Coast Guard.
Kini nga lakang gikompirmar ni Deputy Spokesperson sa Chinese Embassy nga si Guo Wei.
