Dili lang ang presidente ug bise presidente ang gusto ipakanaug sa grupo nga gihuptan ni Labor Rights Activist ug Socialist Ka Leody de Guzman. Sa exclusive interview sa BOMBO RADYO, namahayag si Ka Leody nga magresign na ang tanan nalambigit sa korapsyon aron mu-aginod ang patas nga imbestigasyon. Gusto sa coalition groups nga tanan opisyal nga nalambigit sa kurapsyon kinahanglan mu-resign aron aduna pay respeto nga mahibilin sa ilang “political image”. Kung matuman ang dakung lihok protesta nga makapamugos sa tanan opisyal sa gobyerno nga muhawa sa ilang puwesto, kinahanglan andam ang Korte Suprema sa paghatag giya sa mugnaon nga People’s Transition Council nga maoy temporaryong mupadagan sa nasud kauban ang kapulisan ug kasundaluan aron masustiner ang kahapsay ug kalinaw. Una niini, gikabalaka sa grupo nila Ka Leody nga muabot ang panahon nga musangpot sa grabeng kapungot ang bati-on sa katawhan tungod sa kaluya sa imbestigasyon ug wala pay tin-aw nga hukom sa mga kawatan nga mga pulitiko sa Pilipinas.
