Nagsugod na ang panag-hisgutan sa US, Ukraine, ug Russia alang sa kinatibuk-ang kahumanon sa kagubot.
Gipahigayon ang ‘meeting’ sa mga representanti sa 3-ka nasud ngadto sa United Arab Emirates diin kini ang pinakaunang ‘trilateral’ working group meeting sukad nga nahitabo ang full-scale attack sa Russia sa Ukraine niadtong tuig-2022.
Nahitabo ang pulong human nga nagkita sila US special envoy Steve Witkoff, kauban niya’ng si Jared Kushner, ug si Russian President Vladimir Putin.
Gilauman sa Ukraine nga mao na kini ang ulahi nilang pulong ug mahimo kining mapuslanon alang sa kahumanan sa giyera.
