Gilauman ni US President Donald Trump nga mokuyog ang tanan nasud sa iyahang gigama nga “Board of Peace”. Matod pa ni Trump nga gusto niya’ng muapil ang tanan nasud alang sa kahapsay sa tibuok kalibutan.
Dugang pa ni Trump nga anaa na sulod sa Board of Peace ang pipila ka mga dagkong nasud sama sa Russia, dugang sa pipila nga mga gamay’ng nasud.
Matod pa ni Trump nga kining Board of Peace kay mahimong pinaka-halangdon nga kalihukan sa kalibutan.
Mahinumdumang gi-anunsyo ni Trump ang Board of Peace niadtong Enero 20, 2026 human nga nadismaya sa mga aksyon sa United Nations (UN) ug gipunting ang posibilidad nga mao kini ang mopuli sa UN. (Jane Mae Abulag)
