Suportado ni Task Force Macajalar Chairman Orlando Ravanera ang “Minahan ng Bayan” aron matabangan ang kabos nga komunidad sa Misamis Oriental.
Iyang giingon nga kini makatabang nga ang lokal nga katawhan makapahimulos sa bahandi sa kalibungan imbes nga mga langyaw lang ang makinabang.
Gipakita niya ang kaso sa pagkadakop sa 22(baynte dos) ka indibidwal, lakip ang duha ka Chinese national, tungod sa ilegal nga pagmina sa Opol nga nagpakita sa presensya sa sindikato.
Nanawagan siya sa gobyerno nga istriktong inspeksyonon ang mga mining permit aron malikayan ang ilegal nga operasyon ug masiguro nga legal ang small-scale mining.
