CAGAYAN DE ORO CITY – Dakong buhi ang nag-trending nga kabayo nga nakuhaa’g video sa pipila ka social media netizens nga nagsubay sa highway sa Gingoog City-Claveria,Misamis Oriental.
‘Mao kini si Kabang,in very good condition’,pahayag sa tag-iya nga si Jose Castro sa iyang Facebook post.
Kini ang katin-awan sa mismong tag-iya nga si Jose Castro pinaagi sa Facebook post kabahin sa dili ensaktong mga impormasyon sa kahimtang sa iyang kabayo nga si ‘Kabang.’
Namahayag si Castro nga sukwahi sa panaghap sa pipila nga namatay si Kabang,dako kining bakak kay walay tatsa ang iyang binuhi.
Unang mipadayag sa ilang kahingawa ang pipila ka residente nga nakakita kang Kabang kay maoy ilang pagtoo nga gipaguyod kini sa gimaneho nga sakyanan ni Castro.
Napun-an pa ang ilang kabalaka kay milubog ang kabayo sa pagtoo nga mibati na kini’g grabeng kakapoy.
Apan pagklaro ni Castro nga wala ipaguyod ang iyang kabayo apan ‘guided ug monitored’ ang maong kalihukan alayon sa gihimo nga controlled training.
Kini ang rason nga gipalanog usab niini ang iyang panig aron itul-id ang dili mao nga komento sa uban kabahin sa ilang nasaksihan.
Dumduman nga nag-trending si Kabang tungod sa video posts nila ni Cheryl Paclar ug Vincent Piscos nga paspas gire-upload sa social media netizens.
Hisayrang si Kabang nahimugso Hulyo 2022 gikan sa breeding nga Pure Thoroughbred ug Misteza Native-Quarter nga ginikanan sa mga kabayo.
