Gidaot sa gituohang mga “saboteur” ang riles sa tren duol sa siyudad sa Bologna, Italy, nga miresulta sa dagkong pagkalangan ug pagkansela sa mga biyahe sa tren sa unang bug-os nga adlaw sa Winter Olympic Games.
Sumala sa kapulisan sa Italy, gituyo nga gubaon ang pipila ka bahin sa rail infrastructure, lakip ang mga kable, nga maoy hinungdan sa pagka-paralisar sa transportasyon sa maong rehiyon.
Wala pay grupo nga miakong sa responsibilidad sa maong buhat, ug giingong gisusi kini isip posibleng sabotahe nga may kalabutan sa dako nga internasyonal nga kalihokan.
Padayon ang imbestigasyon sa mga awtoridad aron mahibal-an kung kinsa ang responsable ug aron masiguro ang kaluwasan sa mga pasahero ug sa Olympic-related travel. (James Oliver)
