Nagpahimangno si Atty. Kaloi Zarate, kanhing Bayan Muna representative, nga sa pagpangayo sa katawhan ug accountability sa mga kawatan sa kaban ng bayan, dili matod pa angay nga isalig nalang sa gobyerno ang pagpanubag sa mga nalambigit sa flood control scandal sa nasud.
Matod pa ni Zarate, kung saligan lang sa gobyerno ang katawhan, maglisod gihapon kini sa paghatag sa tinood nga hustisya, tungod kay pwede kining ma-impluwensiyahan sa mga dagkong pangalan sa politika.
Dugang pa niya, aron maabit gayud sa katawhan ang tinud-anay nga accountability, kinahanglan mulihok ang gobyerno ug ipakita sa publiko ang kusog niini sa paghukbong sa maong problema.
Miingon usab si Zarate nga dili angay undangan sa katawhan ang ilang pagpangayo ug hustisya pinaagi sa pag-file sa kaso batok sa mga tiwali nga opisyales sa gobyerno, tungod kay husto na matod pa ang pag-antos sa katawhan. (James Oliver)
