Gitakdang isumiter sa Department of Public Works and Highways (DPWH)sa Office of the Ombudsman ang RESULTA sa imbestigasyon sa ₱50 bilyon nga flood control projects sa Cebu nga gibalidar ka uban sa Independent Commission on Infrastructure (ICI).
Sa pakighinabi sa BOMBO RADYO, gibutyag ni DPWH Secretary Vince Dizon nga gi‑panguluhan nila Undersecretaries Arthur Bisnar ug Samuel Turgano ang proseso sa pag‑finalize sa findings, ug gilauman nga masubmitar kini sa katapusan sa bulan Pebrero 2026.
Ang imbestigasyon gisugdan human sa Bagyong Tino niadtong Nobyembre 2025, nga mi-apektar sa kapin 1.5 milyon ka pamilya ug mikalas sa 253 ka tawo sa Cebu.
Ang DPWH ug ICI maoy misusi sa mga proyekto nga gi‑implementar gikan 2016 hangtod 2025, nga nagkantidad sa ₱50 bilyon, aron masuta kung epektibo ba kini sa pagpugong sa pagbaha. Sa milabay nga pag inspection sa Mananga River sa Talisay, Cebu, si Dizon mismo ang nagmando sa pag‑palapad sa suba ug uban pang waterways aron malikayan ang sunod nga pagbaha.
Ang report nga isubmitar sa Ombudsman mahimong basihanan sa posibleng pagpasakak kaso batok sa mga responsable sa kapakyasan sa flood control projects—
