Gipagawas na sa International Criminal Court (ICC) ang lista sa mga giingong co-perpetrators sa kaso batok kang kanhi Presidente Rodrigo Duterte nga may kalabotan sa crimes against humanity tungod sa drug war.
Sa dokumento nga gipublikar niadtong, Pebrero 13, gibutyag sa ICC nga si Duterte ug pipila ka senior officials nagtukod sa “common plan” aron neutralize ang mga suspek pinaagi sa pagpamatay.
Lakip sa giila nga co-perpetrators mao sila Senador Ronald “Bato” dela Rosa, Senador Christopher Lawrence “Bong” Go, kauban ang mga PNP Chief of Police ubos sa Duterte Administration sugod 2016 hangtud 2018.
Gilakip usab sa listahan ang coordinated campaign war on drugs campaign sa Davao City nga nagresulta sa daghang kaso sa extra judicial killings o EJK.
Ang mga kaso naglakip sa pagpamatay sa panahon sa pagka-mayor ni Duterte sa Davao City pinaagi sa DDS (Davao Death Squad) ug sa mas lapad nga drug war sa iyang pagka-presidente.
Giingon sa ICC nga kini nga grupo nagpakita sa sistematikong paghipos sa mga gitoohang kriminal isip instrumento sa polisiya sa gobyerno.
