Namahayag si Senador Panfilo Lacson nga ang mga senador ug ang Chinese Embassy maghimo og dayalogo bahin sa nagkagrabeng tensyon sa West Philippine Sea. Matod niya, mas maayong mag-inatubangay ang duha ka panig aron klarong ma-istoryahan ang ilang mga posisyon. Mahimo kini ipahigayon sa Senado, sa embahada sa China, o sa usa ka neutral nga lugar. Ang iyang pahayag misunod human sa init nga binalo-ay og komentaryo tali sa pipila ka senador ug sa Chinese Embassy kabahin sa isyu sa soberanya. (Phillip Ariata)
