Gilauman ni Manila 6th District Representative Bienvenido Abante Jr. nga makakuha sa labaw pa sa one-third nga boto sa House of Representatives aron ma-impeach si Bise Presidente Sara Duterte.
Matod ni Abante nga gikan sa 311-ka kongresista, 105-ka boto lang ang gikinahanglan aron mapasa ang reklamo ngadto sa Senado.
Apan iyang giangkon nga adunay kabalaka nga lisod makakuha og igo nga boto sa Senado diin 16-ka senador ang kinahanglan nga mopabor aron ma-impeach ang Bise Presidente.
Dugang pa ni Abante nga naglaum siya nga ang proseso dili mahimong “political ploy”, kondili i-base sa ebidensya ug substansiya sa reklamo. (Phillip Ariata)
