Namahayag si Senate Pro Tempore President Senator Panfilo “Ping” Lacson nga lisod magbuhat og mga spekulasyon sa pagbisita ni Pangulo Ferdinand Marcos Jr sa Naga City, diin alkalde si kanhing Bise Presidente Leni Robredo.
Sumala ni Lacson, ang bisita alang sa joint monitoring sa “oplan kontra baha” ug wala’y kalabotan sa eleksiyon sa tuig-2028.
Sa laing dapit, gipadayag ni Robredo nga ang iyang focus karon mao ang pag-serbisyo sa mga taga-Naga ug wala siya mitubag bahin sa posibilidad sa pagdagan pag-usab isip Presidente sa Pilipinas.
Mahinumduman nga gilauman sa duha ka panig nga ang bisita magpabilin nga nakabase sa serbisyo ug programa, imbes nga sa politika. (Phillip Ariata)
