Gipadayag ni Baguio City Mayor Benjamin “Benjie” Magalong nga ang Accountability sa gobyerno kinahanglan unahon, labi na sa mga anomaliya sa mga proyekto sama sa flood-control ug uban pang infrastructure projects.
Matud ni Magalong nga ang mga opisyal nga nalambigit sa mga irregularidad kinahanglan mapapanubag.
Sa iyang serbisyo isip espesyal nga adviser sa Independent Commission for Infrastructure (ICI), iyang gipasiugda ang pag-imbestiga sa sobra nga bayad o anomaliya sa mga proyekto.
Gisaway usab niya ang mga politiko nga nalambigit sa kontrobersiya ug nag-awhag nga ang tanang opisyal sa gobyerno magpabilin nga responsable sa ilang buhat.
Sa pikas, naghatag usab siya og komento bahin sa nagpadayon nga pagdungog sa International Criminal Court kabahin sa kaso ni kanhi President Rodrigo Duterte.
