Gipamatud-an ni Bombo International News Correspondent (BINC) Dolly Ilogon nga nahipos ang mga homeless sa New York City epekto sa pagbubo sa baga nga niyebe sa ilang syudad sulod na sa lima ka adlaw.
Miingon si Ilogon nga wala magkulang ang ilang lokal nga kagamhanan sa paghatag abiso sa mga tawong walay balay kay adunay man “shelter” area nga gitagana alang kanila ug mga ‘warming busses”.
Gawas niini, aduna usab mga New Yorker ang nag-enjoy sa ilang “once in a lifetime” nga paglingaw sa snow, kundiin adunay mga nagfamily bonding sa gawas sa puy-anan ug nag ski sa ilang mga parke.
Gibutyag ni Ilogon nga gisugdan na ang clearing operations sa mga dalan makaagi ang mga ambulansya ug kapulisan nga muresponde panahon sa emerhensiya.
Mahinumduman nga gibutyag sa New York Police District (NYPD) nga sukad mibubo ang grabe nga yelo sa bulan sa Enero, misaka pa sa kapin 100 ang patay, kundiin kasagaran kanila mga tigulang ug mga homeless.
Hinoon, walay bisan usa ka pinoy-cagay-anon ang reported nga namatay o angol sa winter storm sa New York.
