Milunsad ang Cybercrime Investigation and Coordinating Center (CICC) sa bag-ong kampanya batok sa mga dili rehistradong ‘online lending platforms’ human mosaka ang reklamo sa mga nabiktima sa ilegal nga pautangan sa internet, nga miabot sa kapin 600 gikan Enero hangtod Pebrero.
Sumala ni CICC Executive Director Renato “Aboy” Paraiso nga daghan pa gihapon nga kaso ang dili mareport ug daghang scheme ang nag-gamit sa online promotions nga direkta mosulod sa website nga adunay auto-collection features.
Kini nagpasabot nga makakuha sa access ang mga scammers sa contact list ug social media accounts sa biktima nga gigamit sa pagpanghadlok ug harassment, diin gipahimangnoan ang publiko nga magbantay sa pautang nga adunay tago nga charges.
Nakig-alayon na ang CICC sa PNP Anti-Cybercrime Group ug National Bureau of Investigation (NBI) aron sikopon ang mga sindikato, ug gipahibalo nga posibleng ipatawag ang Telegram kon dili kini motabang sa pagpugong sa krimen
