Andam si Ramil Madriaga nga motubag sa pagdungog sa Kamara bahin sa impeachment complaints batok kang Vice President Sara Duterte, sumala sa iyang abogado nga si Atty. Raymund Palad.
Hisayran lakip si Madriaga sa mga punoang testigo sa mga reklamo nga naghisgot sa supak nga paggamit sa confidential funds ug uban pang alegasyon.
Bisan pa man andam siya moapil, kinahanglan nga una siyang makadawat og pormal nga summons gikan sa House Committee on Justice. Sa karon, nagpadayon pa ang komite sa pagsusi sa mga complaints sa wala pa sugdan ang aktwal nga pagdungog. (Jane Abulag)
