Nabantayan ni Veronica “Kitty” Duterte ang pagmala sa simod ug pamanit sa iyang amahan nga si kanhi Presidente Rodrigo Duterte sa iyang subling pagbisita kaniya sa selda sa International Criminal Court (ICC) sa The Hague, Netherlands.
Namahayag ang kamanghurang anak ni Duterte nga miimposar kinig kondisyon sa iyang amahan nga kada inom sa “soft drinks”, kinahanglan nga iya kining gipasagulan sa tubig aron ma-rehydrate ang iyang pamanit.
Una niini, mibati’g kakuyaw si Kitty human niya makita ang pagpamula sa mata sa iyang amahan.
Gitug-an niini nga very excited ang iyang amahan sa pagkita nilang duruha.
Hinoon, mibalik na sa normal ang kahimtang sa lawas sa iyang amahan.
Hisayran nga ulahing gibisita ni kitty si Duterte niadtong Enero, ning tuiga.
