Mi-angkon si Senador JV Ejercito nga kini pa ang unang higayon nga nakadawat ang senado sa daghang reklamo batok sa mga senador. Kini ang gitug-an ni Ejercito dihang nagpatawag kinig press briefing.
Si Ejercito kinsa chairman sa Committee on Ethics mi-angkon nga bisan siya, wala makalingkawas sa mga reklamo kay aduna usab grupo nga nagfile sa kaso batok kaniya.
Kini ang rason nga gihan-ay ug maayo sa komite ang balaod sa inhibition ilabe na kung ang committee member ang maunay sa reklamo.
Miangkon usab si Ejercito nga milungtad sa taas nga oras ang ilang pulong sa komite tungod sa pagsaka sa ihap sa mga kasong nasang-at batok sa mga senador.
