Gisalikway ni Department of Interior and Local Government (DILG) Secretary Jonvic Remulla ang pahayag ni Nicholas Kaufman atol sa confirmation of charges hearing sa International Criminal Court (ICC) nga nagpadayon pa gihapon ang “vigilante killings” sa ilawom sa administrasyon ni Presidente Ferdinand Marcos Jr.
Namugos si Remulla nga wala kini basihanan nga akusasyon tungod kay wala sa mandato sa presidente ang extra judicial killings (EJK).
Gibutyag ni Remulla nga ang gobyerno karon nagpaningkamot sa pagpatuman sa balaod kuyog ang pagpanalipod sa katungod sa katawhan, ug dili makatarunganon nga ipasangil.
Si Remulla mitin-aw nga ang “war on drugs” sa panahon ni Duterte, layo ra sa anti-drugs campaign sa kasamtangang administrasyon.
Nagtoo usab ang opisyal nga ang Korte Suprema ug Department of Justice (DOJ) ang dunay kapas nga mususi sa gi-ingong research sa kampo ni Kaufman kalabot sa vigilantes killing ning panahona.
