Mi-entra na’g kasabotan ang kompanya sa bilyonaryong si Enrique Razon Jr aron makapanag-iya sa kompanya nga SierraCol Energy. Kini maoy pinakadako nga independent oil ug gas producer sa Colombia.
Subay sa report, ang transaksiyon himoon sa iyang kompanya nga Prime Infrastructure Capital kundiin, nakapirma na sila’g kasabutan sa Carlyle Group aron paliton ang SierraCol Energy.
Sa pagkakaron kinahanglan pa sa regulatory approvals ug gilauman nga mahuman kini sa unang kwarter sa 2026.
Oras nga mapanag-iya kini ni Razon, ang Prime Infra makaderikta na’g access sa produksiyon sa produktong petrolyo nga muabot sa 77,000 bariles kada adlaw.
Kini maoy magpalig-on sa global energy portfolio ni Razon ug magbutang sa Pilipinas sa mas lig-on nga posisyon aron makabenepisyo sa mas kasaligan nga suplay sa lana taliwala sa nagpadayon nga kalibutang kagubot sa merkado sa lana.
