Mi-abiso ang Malacañang sa tanan nga mga Pilipino nga nagpuyo ug nanarbaho sa California, Amerika tungod sa hulga sa posible nga pag-atake sa Iran. Gibutyag ni Palace Press Officer Atty. Claire Castro nga dili na kini panahon aron pasagdan ang sitwasyon tungod sa dakong risgo sa retaliatory attacks. Iyang gi-awhag ang tanan nga magpabilin nga alerto ug magmabinantayon aron masiguro ang kaluwasan sa komunidad. Gidasig usab ang Filipino community nga magtinabangay ug magpakigkoordinar sa konsulada sa Pilipinas sa U.S. alang sa paspas nga paghatag sa pertinenteng impormasyon. Mipasabot si Castro nga ang koordinasyon makatabang sa mas epektibong pagpadala sa ayuda gikan sa nasudnong gobyerno sa Pilipinas. Hisayran nga anaa sa California ang pinakadakung ihap sa mga pinoy migrants.
