Makalingkawas pa si Ombudsman Jesus Crispin Remulla sa baga nga pagsaway sa publiko, gikan sa iyang baruganan kalabot sa migula nga 18 ka mga kanhi sundalo nga nagpaila isip buhing saksi sa ilegal nga binahina sa pondo batok sa mga tag-as nga opisyales sa gobyerno. Namahayag si Atty James Judith nga mahimo niyang ipa-ubos sa prosesong motu-propio investigation ang reklamo nga gisang-at sa 18 ka mga kanhi sundalo, ug magmugna sa panel of investigators. Sa maong proseso, kinahanglan siya mu-inhibit o mulikay, aron dili masaypan nga adunay gidapigan sa imbestigasyon. Mahinumduman nga mismo si kanhi Kongresista Mike Defensor ang mikuwestiyon sa pagsubpoena sa 18 ka mga ex-marines sa NBI nga maoy gi-deputize ni Remulla sa pag-imbestigar sa bridery isyu. Alang kang Defensor, dili mahimong unayon pag-imbestigar sa NBI ang reklamante, kay kung subayon ang legal nga proseso, ang angay ma-interogar sa deputized investigators mao ang mga gireklamo nga sila Presidente Ferdinand Marcos Jr., kanhi Speaker of the House Martin Romualdez ug ang kanhi deputy speaker nga si Zaldy Co.
