LOW FLOW o paghinay lamang sa presyur sa tubig ang mahitabo sugod Marso 17 hangtud 20.
Kini ang gitin-aw sa Cagayan de Oro Water District (COWD) sa gipahigayon nga rehabilitasyon sa Taguanao Water Treatment Plant, sa Brgy Taguanao ning syudad.
Namahayag si Gerry Caño, Board Chairman sa COWD nga anaa sa 25% lamang sa normal nga presyur ang mawala sa operasyon ug dili kini angay ikabalaka.
Siya mipasabot nga dili sila ang nagpahigayon sa repair, apan, ang Metro Pacific Water (MetroPac) nga supplier sa bulk water, nga ilang gipalitan ug gi-distribyut sa mga tubo ug gripo nga gi-operar sa COWD.
Gidugang pa ni Caño nga gikoordinar na sa MetroPac ug COWD ang mga contingency plan aron masiguro nga magpabilin ang suplay sa tubig sa Semana Santa ug sa mga kritikal nga adlaw.
Ang rehabilitasyon naglakip sa pag-ayo sa Rapid Sand Filter units nga responsable sa paglimpyo sa tubig aron masiguro ang kalidad ug kaluwasan sa mga konsumante.
