Dismayado si Bernie Jamaca, presidente sa Cagayan de Oro First Taxi Drivers Alliance (CAFITADA) sa usa sa mga staff ni Land Transportation Franchising and Regulatory Board (LTFRB-10) Regional Director Aljo Benjido.
Mitug-an si Jamaca sa Bombo Radyo nga halos wala tagda ang ilang grupo ug bisan ang iyang representasyon isip tinigom nga tingog sa mga taxi driver sa syudad.
Usa unta sa ilang gireklamo ang presensya sa mga colorum nga taxi ug van maoy usa sa nagpasamot sa ilang kalisud sa panginabuhi, kay kini makapasakay sa mga pasahero sa ruta nga alang unta sa mga legal nga drayber.
Miingon si Jamaca nga klaro ang kakulang sa aksyon sa ahensya ug murag wala kini interes nga dakpon ang mga walay lisensya ug prangkisa nga nag-operate sa syudad.
Hisayran nga nadugangan ang pagsubo sa mga sakop ni Jamaca dihang misaka pa’g samot ang presyo sa lana kay halos wala nay gasakay kanila nga mga pasahero sa pagtuo nga sila gapaningil sa mahal nga pletihan —
