Inotil ang gobyerno. Kini mao’y padayon nga pagsaway sa grupo ni kanhi Bayan Muna Partylist Representative Atty. Carlos Zarate kalabot sa nagpadayong krisis sa produktong petrolyo.
Giingon ni Zarate nga ang Department of Energy (DOE) mura na lamang tig-anunsyo kung pila ang umento nga buhaton sa mga oil companies, daw sama sa barker sa mga adunahang tag-iya sa kompanya sa lana.
Subli, gipaningkamotan sa grupo ang pagwagtang sa “oil deregulation law” aron ang gahum sa pagkontrolar sa presyo sa lana mabalik sa gobyerno, ug dili na makaboot-boot ang mga kompanya sa lana sa paspas nga pagpasaka sa presyo.
Gawas niini, ilang gidungog ang kasakit sa mga drayber nga nagpangayo’g gamayng umento nga daw muagi pa sa buslot sa dagom, itandi sa kahigayonan nga gihatag sa mga kompanya sa lana nga walay pugong sa pagpa-usbaw sa presyo sa ilang produkto.
Si Zarate mibutyag nga dili “transparent” ang pricing sa mga oil companies nga namuhunan sa Pilipinas
