Posibleng mosangpot sa kapin P130 kada litro ang presyo sa diesel ug molapas P100 kada litro ang gasolina sa Pilipinas sa sunod semana tungod sa grabe nga pagsaka sa presyo sa lana.
Base sa mga projection karong Biyernes, Marso 20, gilauman ang dugang nga P14 hangtod P14.50 kada litro sa diesel, nga mahimong mopaduol sa presyo nga P130 matag litro.
Sa gasolina, gilauman usab ang pagsaka nga P7.00 hangtod P7.50 kada litro, nga posible magdala sa presyo niini nga molapas na sa P100 matag litro. Ang kerosene gilauman usab nga mosaka’g dako.
Ang nagpadayon nga kagubot sa Middle East gihapon ang nagdala sa supply disruption sa tibuok kalibutan nga merkado sa lana. Nagpasidaan ang Department of Energy (DOE) nga magpadayon ang dili kasigurohan sa presyo sa lana tungod sa kalibog sa global supply.
