Gilauman nga moabot sa sunod semana ang 300,000 ka barrels nga krudo nga gipalit sa gobyerno aron masiguro ang igo nga suplay sa nasud, ilabina sa nagpadayon nga tensyon sa Middle East. Sumala sa mga otoridad, kabahin kini sa mga lakang aron malikayan ang kakulang sa suplay ug mapugngan ang posibleng pagsaka sa presyo sa mga produktong petrolyo. Sa pikas bahin, mipasakag kaso sa cyberlibel si Agriculture Secretary Francis Tiu Laurel Jr. batok kang kanhi kongresista Zaldy Co ug abogado nga si Levi Baligod. May kalabotan kini sa mga alegasyon nga nakadawat siya og dakong kantidad sa kuwarta nga gitawag og “male-maletang kwarta.” Matod pa sa ilang kampo, tumong niini nga mapanalipdan ang iyang ngalan batok sa mga pasangil nga giingong walay lig-on nga basihan. (By Jane Abulag)
