PATAY ang unom ka tawo ug 55 ang samaran human natagilid ang usa ka passenger bus sa Singida Region, Tanzania.
Ang aksidente nahitabo sa Mkiwa Village sa Ikungi District samtang ang bus gikan Dodoma paingon sa Mwanza ug nakabangga sa pothole nga hinungdan sa pagkabuto sa front tire ug pagkawala sa kontrol sa drayber.
Miingon si Singida Regional Police Commander Amon Kakwale nga gikasiguro sa mga opisyal ang mga butang sa pasahero ug giila ang mga biktima.
Si Ikungi District Commissioner Thomas Apson nag-ingon nga ang mga samaran ug ang mga patay gidala sa Manyoni District Hospital ug Singida Regional Referral Hospital.
Gisaysat sa medical officer nga si Bwire James, nadawat sa Manyoni District Hospital ang 55 ka samaran — 34 lalaki ug 21 babaye — uban sa unom ka lawas sa mga namatay.
Padayon ang mga awtoridad sa paghatag sa tambal ug pagproseso sa mga biktima sa trahedya.
