Gipatin-aw ni Prof. Jestoni Babia nga ang pagdaghan sa mga honor students resulta sa giusab nga assessment system sa K-12 ubos sa DepEd Order No. 8.
Ang sistema karon nakabase sa standards ug mastery inay nga ranking system, diin 75% ang passing mark ug 90% pataas ang basihanan sa makadawat sa pasidungog o honors.
Wala na kini nagtan-aw sa top 10 ranking, kondili sa pag-ila sa tanang high-performing learners.
Natural nga resulta niini ang pagtaas sa ihap sa honor students nga nagpakita sa bag-ong pamaagi sa DepEd sa pagtan-aw sa kahusayan sa estudyante..
