Upat ka tawo ang nasamdan human mibutho ang sunog sa Khorfakkan Port sa United Arab Emirates (UAE) tungod sa nahulog nga debris gikan sa air defense interception.
Segun sa mga otoridad, gilayon nga miresponde ang mga emergency teams ug nakontrolar dayon ang kalayo.
Gibutyag sa Sharjah Government Media Bureau, usa ka Nepalese national ang grabeng nasamdan ug gi-admit sa ospital, samtang tulo ka Pakistani nationals ang nakasinati sa ‘minor ‘to moderate’ nga samad sa lawas.
Hisayran nga ang Khorfakkan Port, nga nahimutang sa silangang baybayon sa UAE, giila isip usa ka estratehikong transshipment hub sa Arabian Sea.
Alang sa gobyerno sa UAE kini nga insidente nagpasabot sa kahinungdanon sa paspas nga emergency response aron malikayan ang mas dako nga kadaot.
Padayon nga gi-monitor sa mga awtoridad ang sitwasyon aron masiguro ang kaluwasan ug normal nga operasyon sa maong pantalan.
