Posible dili ug posible usab nga mahinayon ang ikaduhang hugna sa peace talks tali sa Amerika ug Iran.
Gibutyag sa press attache sa Iranian Embassy sa Islamabad nga si Hadi Golriz nga ang umaabot nga rounds sa negosasyon tali sa Iran ug Estados Unidos mahimong mahitabo bisan kanus-a ug bisan asa, apan wala pa’y opisyal nga pahibalo.
Ang iyang tubag gihatag sa prensa human sa pangutana bahin sa mga espekulasyon sa sunod nga round sa talks.
Giingon ni Golriz nga hangtod karon, walay pinal nga kasabutan o iskedyul nga gi-anunsyo.
Siya miingon nga ang posibilidad sa negosasyon nagpabilin apan naghulat pa sa klarong direksyon gikan sa duha ka kampo.
Kini nagpasabot nga ang sitwasyon sa diplomasiya tali sa Iran ug U.S. nagpadayon nga dili klaro.
