Gilunsad karon sa militar sa Israel ang usa ka dakong opensiba aron sakupon ang lungsod sa Bint Jbeil sa Lebanon batok sa mga miyembro sa Hezbollah nga nagtago sa maong kuta.
Kini nga lakang nahitabo dungan sa gikatakdang makasaysayanong panag-istoryahanay tali sa mga representante sa Israel ug Lebanon didto sa Washington aron hisgotan ang posible nga ceasefire. Subay sa report sa mga awtoridad sa Lebanon, miabot na sa kapin duha ka libo ka tawo ang nakabsan sa kinabuhi samtang kapin usa ka milyon ang napugos sa pagbakwit tungod sa gubat.
Gitinguha sa Israel nga makamugna og security zone sa ilang utlanan, samtang padayon ang ilang pag-atake bisan pa man sa nagkaduol nga dayalogo alang sa kalinaw.
Nagpabilin karon nga mabinantayon ang tibuok kalibutan sa resulta sa maong negosasyon, samtang nagkadaghan ang nanawagan nga hunongon na ang nagkagrabe nga krisis sa maong rehiyon
