Gikwesyon ni IBP Misamis Oriental Chapter President, Atty. Greg Pallugna, ang kasamtangang impeachment proceedings batok kang Vice President Sara Duterte, ilabi na ang gihimong mini trial sa House Committee on Justice nga iyang giingong medyo dili klaro kon uyon ba kini sa Konstitusyon.
Matud sa abogado, ang balaod naglatid nga ang House of Representatives adunay papel sa pagdeterminar kung ang complaint angayan bang ipadayon, samtang ang Senado lamang ang adunay gahum sa paghusay ug pagdesisyon sa impeachment cases.
Tungod niini, naglungtad ang dakong legal nga pangutana kon ang ginahimong pagdungog ug pag-examine sa mga testigo sa komite naglapas ba sa mandato nga gitugot sa balaod.
Gipasabot usab ni Pallugna nga adunay mga isyu sa proseso sama sa pagpresentar sa ebidensya nga wala pa matubag sa mga respondent, nga mahimo’g makapahimulos sa fairness ug due process sa maong proceedings.
Sa karon, nagdepende matud pa niya ang kahimtang sa maong proseso sa mahimong desisyon sa Korte Suprema kon uyon ba o dili ang ginabuhat nga pamaagi sa impeachment batok sa bise presidente.
