Wala masabti ni Misamis Oriental Board Member Dexter Yasay kung nganong ang Sangguniang Panlalawigan ang gibasol sa serye sa pag resign sa mga doctors ug nurses sa mga ospital sa probinsya.
Matod pa niya, dili man sila ang mopirma sa payrolls, mga tseke, ug mga appointment.Para ni Yasay, “unfair” ang pagpunting sa Sanggunian isip sad an.
Giingon niya nga kini usa ka isyu sa pagdumala, palisiya, ug relasyon tali sa Provincial Government ug sa mga gi hire nga medical staff.
Gipadayag ni Yasay nga responsibilidad sa administrasyon ang paghatag ug maayong relasyon ug usa ka positibo ug produktibong work environment.
Sayop, matod pa niya, ang giingon sa Kapitolyo Probinsyal nga ang mga medical employees nag resign tungod kay nahadlok nga dili masweldohan.
Gisugyot usab ni Yasay nga ipakatag ang mga consultants sa mga balay tambalanan sa probinsya aron kung adunay mag resign nga doctor, mahatagan ug leeway ang mga chief of hospitals sa pagpangita ug kapuli sa nawala nga empleyado.
