Magpagula ug joint investigation ang Provincial Environment and Natural Resources Office (PENRO) Misamis Oriental batok sa operator nga mihimo sa alegasyon nga adunay gihimong mining activities gamit ang backhoe nga panag iya sa Kapitolyo Probinsyal.
Sa eksklusibong interbyu sa Bombo Radyo, gitataw ni Celso Abucejo, special assistant sa Gobernadora, nga walay mando gikan kang Gov. Juliet Uy nga gamiton ang backhoe sa illegal mining activities.
Matod pa niya, ang mando lamang sa Kapitolyo mao ang pag ayo sa dalan sa Barangay Sinalac, Initao, Misamis Oriental, sumala sa request sa IPMR representative sa Initao.
Gidepensa ni Abucejo nga kung tinood man nga nagamit ang backhoe sa Kapitolyo para sa usa ka illegal mining activity, sigurado nga dili kini ubos sa kamandoan sa Gobernadora.
Sa laing bahin, mapasalamaton si Governor Juliet Uy sa pakigtambayayong sa Sangguniang Panlalawigan sa pag imbestiga sa maong operator.
Gihangyo sa Gobernadora ang kooperasyon sa tanang concerned agencies sa pag imbestiga sa maong hitabo, kay dili niya palagpason kon mapamatud an nga adunay paglapas sa balaod ug pagpanghimulos sa kinaiyahan sa probinsya.
