Gihunong na ang rescue operation sa mitabogsok nga helikopter sa kabukiran sa West Kalimantan, Indonesia.
Karong adlawa, ang rescue teams nakarekober sa ulahing lawas nga gitoohang sakay sa mihagsa nga chopper.
Human makompleto sa search team ang ilang trabaho, opisyal nga gisirad-an ang operasyon.
Lakip sa namatay ang piloto, usa ka engineer, ug unom ka pasahero lakip na ang usa ka Malaysian national.
Ang helicopter nawad-an ug kontak human sa pagpadala ug emergency signal alas 8:39 sa buntag.
Ang debris nakit-an mga 3 kilometro kasadpan sa last contact point.
Ang lokal nga SAR agency nagpagawas ug press release sa Biyernes sa buntag nga nagkumpirma sa insidente.
