Milaum ang mga representante sa Israel ug Lebanon nga magpadayon sa ikaduhang negosasyon ang peace talks pinaagi sa lebel sa ilang mga ambasador didto sa U.S. State Department sa Washington, D.C., Amerika.
Ang Israel, representahan ni Yechiel Leiter ug si Nada Hamadeh Moawad alang sa Lebanon.
Ang 10-ka adlaw nga ceasefire nagsugod sa tungang gabii sa Huwebes ug Biyernes human sa mga semana sa grabe nga panagbangi sa utlanan tali sa gubat sa U.S.-Israel batok sa Iran.
Bisan pa sa kasabutan, nagpabilin kini nga huyang tungod sa padayon nga tensiyon sa habagatan nga utlanan sa Lebanon.
Ang National News Agency sa Lebanon nagreport nga ang pwersa sa Israel nagpalapad sa operasyon sa habagatan sa Lebanon, nagdemolisyon ug daghang kabtangan, nagdugang aerial surveillance, ug nagpagawas evacuation warnings.
Hisayran nga wala’y pormal nga diplomatikong relasyon ang Israel ug Lebanon, ug ang negosasyon gihimo sa gobyerno sa Lebanon, dili sa Hezbollah nga giisip sa Israel nga proxy sa Iran.
