Diplomatikong negosasyon ang nakita nga pinaka‑epektibo ug pinakadali nga solusyon aron makabalik si former representative Zaldy Co sa Pilipinas, sumala ni Ralph Sarmiento, usa ka international law expert.
Butyag ni Sarmiento nga kung mapamatud‑an nga anaa si Co sa Czech Republic, ang gobyerno sa Pilipinas kinahanglan mopadayon sa pormal nga pakighinabi pinaagi sa diplomatic channels.
Giingon niya nga ang maong paagi mahimong moresulta sa deportation o boluntaryong pagsurender ni Co imbes maglisod sa dugay nga proseso.
Dugang pa niya, mahimo usab nga mangayo og extradition, apan lisod kini kay wala pay kasabotan sa extradition tali sa Pilipinas ug Czech Republic.
Sa katapusan, gitin‑aw sa eksperto nga mas praktikal karon ang pakig‑istorya sa estado kaysa diretso nga legal nga proseso sa korte sa laing nasod.
