Pormal nang gipirmahan ni Bureau of Internal Revenue (BIR) Commissioner Charlito Mendoza ang “kahon” nga gisumite sa House Justice Committee.
Ang tumong sa pagpirma mao ang pagsiguro nga selyado ang maong kahon samtang nagpadayon ang pagdinig sa komite kabahin sa impeachment batok kang Bise Presidente Sara Duterte.
Ang sulod sa kahon mao ang mga tax records ni VP Duterte, sa iyang bana nga si Manases Carpio, ug sa ilang mga kompanya. Kini naglakip sa income tax returns (ITRs) ug uban pang dokumento nga gisumite sa House Justice Committee apan wala pa giablihan tungod sa legal nga limitasyon sa pag-divulge sa tax records.
Subay sa nasusi ang records naglakip usab sa :
1. Mga annual tax filings ni Sara Duterte ug Manases Carpio gikan pa sa 2007 hangtod 2025.
2. Mga dokumento sa kompanya: Records sa ilang negosyo ug business interests sama sa Metro City Chow Foods Corp., Gencorp Industries Inc., Carpio Lawyers, 888 Bistro, CALE88 Foods Corp., Madayaw Fisheries Corp., Mati City Ice Plant and Cold Storage Inc., Amianan Shores Inc., Geometry Security and Investigation Agency Inc., ug Cabletow 88 Shipping and Marine Services Inc.
3. Mga Financial statements ug compliance records nga gisumiter aron ma-validate ang tax compliance ug reported income sa magtiayon ug sa ilang mga negosyo.
